عام
 
الرئيسيةاليوميةس .و .جالتسجيلدخول
حياكم الله وبياكم في منتديات حبي سر وجودي

شاطر | 
 

 مو كذا رد الجمايل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
3deel al-rooo7
عضو مميز
عضو مميز


عدد المساهمات : 127
تاريخ التسجيل : 18/06/2011

مُساهمةموضوع: مو كذا رد الجمايل   الأربعاء يونيو 29, 2011 3:06 am





ماعرفتك !! والعذر اقبح من ذنـوب الخطيّـه
حتى شكلك صدقيني ان قلت لك : بعضه نسيته




اذكر اعيونك حورها من الخجل زايـد شويّـه
بس هذا اذكره وغيـره مـن الذكـرى محيتـه




لابعد اذكر .. شعرك اللي يحـب لعبـة يديّـه
سالفه شعـرك لحالـه لـو ابشـرح ماوفيتـه




واذكر ان فمك حضن جمرن ٍ حمر فوق ابرديّه
لابتسم لي رحت له كلي مـن اللهفـه وجيتـه




واذكر ان غمازة اخـدودك عـذاب ومهمهيّـه
وردتني لطريـق اللـي ابتـدى يـوم انتهيتـه




واذكر ان اطعونك اللي بالظهر كانـت قويّـه
ايه اعرفك بس اخاف الجرح يكبر لا طريتـه




انتي كنتي شي ثاني .. كنتي شي منـي وفيّـه
اقرب انسانه لقلبي حطمـت قلبـي فـي بيتـه





تذكرين .. الورد الاحمر يوم جبتي لي هديّـه
قلتي : تكفا لايموت الورد لك غالـي شريتـه




مات قلبي قبل يموت الـورد وجروحـه نديّـه
في يديني جبـت دم القلـب للـورد وسقيتـه




كنت احسب اني اضحي .. مادريت اني ضحيّه
كنت احسب ان العطى يثمر بعين اللي عطيتـه




راحت احلام العمر .. روحه كذا من غير جيّه
حتى زرعي اللي زرعته .. ماتوفقت وجنيتـه




من عقب ماكان ليّه .. صار لـه ماهـو بليّـه
من خذاه !! وقلبي يسئل عنـه لكـن مالقيتـه




دايم اسمع عن خوي ٍ خان فـي خـوة خويّـه
موقف ٍ يمكـن كتبتـه بالشعـر قبـل وقريتـه




المهم .. ماكنت احسـه ليـن ماجتنـي بليّـه
من يديك وحسستني وخاب كـل اللـي هقيتـه




يابدويّـه مـو كـذا رد الجمـايـل يابـدويّـه
البـداوه علمتنـي كيـف ارد اللـي خذيـتـه




في الزمن هذا .. محال الوافي يلقى له وفيّـه
الزمـن هـذا خذلنـي فـي محبتـك وبكيتـه




كنت اقول : الطيّبه احسن من علـوم الرديّـه
كنت اقول وكنت اقـول ولانفعنـي ماحكيتـه




مابقا عنـدي كـلام ولا بقـا بصـدري بقيّـه
مـن تفارقنـا بصـدري هالعتـاب ولاشكيتـه




هذا كله اللي عليك .. وقولـي انتـي ماعليّـه
بسمعك للصبح يمكـن منـك اسمـع مابغيتـه




اما شكلك اعرفه عـرف الموصـى للوصيّـه
قلت : ماعرفه .. وفي قلبي اقول:انـي فديتـه




ايه اعرفك والعذر اقبح مـن ذنـوب الخطيّـه
انتي شكلك صدقينـي راح امـوت ولانسيتـه

الرجوع الى أعلى الصفحة اذهب الى الأسفل
حبي سر وجودي
Admin


عدد المساهمات : 76
تاريخ التسجيل : 22/04/2011

مُساهمةموضوع: رد: مو كذا رد الجمايل   الأربعاء يوليو 20, 2011 3:58 am

مشكور عديل الروح على عذب الكلام وفي انتظار مزيدك المميز كالعادة
الرجوع الى أعلى الصفحة اذهب الى الأسفل
http://hobbiserrwejudi.ibda3.org
 
مو كذا رد الجمايل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حبي سر وجودي :: الملتقى الأدبي :: الشعر النبطي-
انتقل الى: